रुसका ८ क्षेत्रमा युक्रेनको ड्रोन आक्रमण
एजेन्सीः युक्रेनले रुसका ८ वटा क्षेत्रमा लामो दूरीका ड्रोनबाट आक्रमण गरेको छ। युक्रेनको आक्रमणमा रुसका तीन पावर सबस्टेसन र एउटा इन्धन डिपोमा आक्रमणमा आगलागी भएको अन्तराष्ट्रिय सञ्चार माधयमले जनाएका छन्।
समाचार एजेन्सी रोयटर्सले बेल्गोरोड सहरका गभर्नरलाई उद्धृत गर्दै आक्रमणमा दुई सर्वसाधारणको पनि मृत्यु भएको बताएको छ। रुसको रक्षा मन्त्रालयले पनि यो आक्रमणको पुष्टि गरेको छ। उसले रुसको रक्षा प्रणालीले युक्रेनका करिब ५० ड्रोन खसालेको बताएको छ। रुसी रक्षा मन्त्रालयले आफ्ना ड्रोन रुसका ८ क्षेत्रमा पठाएको बताएको छ।
आक्रमणको लक्ष्य रूसको ऊर्जा पूर्वाधार थियो जसले सैन्य–सम्बन्धित उद्योगहरूलाई ऊर्जा प्रदान गर्दछ। रुसलाई आर्थिक रूपमा कमजोर बनाउन आक्रमणहरू हालैका महिनाहरूमा युक्रेनले रूसी तेल रिफाइनरी, टर्मिनलहरू र ऊर्जा पूर्वाधारहरूमा आक्रमण बढाएको छ। सीएनएनका अनुसार युक्रेनले रुसलाई आर्थिक रुपमा कमजोर बनाउन यस्तो आक्रमण गरिरहेको छ।
