डडेल्धुरामा पानीमा डुबेर दुई बालिकाको मृत्यु

डडेल्धुराः डडेल्धुरामा नुहाउने क्रममा पानीमा डुबेर दुई बालिकाको मृत्यु भएको छ।

गन्यापधुरा गाउँपालिका-२ कुँवर गाँउको सिमताल खोलामा सोही ठाउँ बस्ने इन्द्रबहादुर मल्लको छोरी १४ वर्षीया दिपा मल्ल र नारद सार्कीको छोरी १७ वर्षीया लक्ष्मी सार्कीको आइतवार नुहाउने क्रममा पानीमा डुबेर मृत्यु भएको जिल्ला प्रहरी कार्यालय डडेल्धुराले जनाएको छ। यस सम्बन्धमा प्रहरीले आवश्यक अनुसन्धान गरिरहेको जनाएको छ।