आमनिर्वाचन काँग्रेसको पहिलो प्राथमिकता होः सभापति देउवा
२०८२ पुष ११, १२:५१
काठमाडौँः नेपाली काँग्रेसका सभापति शेरबहादुर देउवाले आफ्नो पार्टी आगामी फागुन २१ गते हुने निर्वाचनमा भाग लिने तयारीमा जुटिसकेको बताए।
सञ्चार तथा सूचना प्रविधिमन्त्री जगदीश खरेलसँग आज आफ्नै निवासमा भएको भेटमा उनले निर्वाचनमा भाग लिने निर्णय आफ्नो पार्टीले गरेको र काँग्रेसको प्राथमिकतामा पनि निर्वाचन नै भएको बताए।
साथै सभापति देउवाले स्वतन्त्र एवं निष्पक्ष रूपमा निर्वाचन सम्पन्न गर्न सरकारले उचित वातावरण बनाउनुपर्ने सुझाव दिएको राजनीतिक संवाद समितिका सदस्य समेतरहेका मन्त्री खरेलले बताए।
कमेन्ट लोड गर्नुस