कैलालीमा भन्सार छली ल्याइएका ८ लाख बराबरका मोबाइल डिस्प्ले बरामद
२०८२ पुष २२, ०१:३०
कैलाली: कैलालीको जानकी गाउँपालिका–४ स्थित मनुवारोडबाट भारतबाट भन्सार छली अवैध रूपमा भित्र्याइएका मोबाइलका डिस्प्लेहरू बरामद गरिएको छ ।
इलाका प्रहरी कार्यालय टिकापुरबाट खटिएको प्रहरी गस्ती टोलीले सोमबार बिहान करिब ९ बजे बेबारिसे अवस्थामा राखिएका विभिन्न किसिमका मोबाइल डिस्प्ले फेला पारी नियन्त्रणमा लिएको हो । बरामद सामग्रीको अनुमानित मूल्य करिब ८ लाख ६८ हजार रुपैयाँ रहेको प्रहरीले जनाएको छ ।
बरामद गरिएका मोबाइल डिस्प्लेहरूका सम्बन्धमा थप अनुसन्धान भइरहेको प्रहरीले जानकारी दिएको छ ।
कमेन्ट लोड गर्नुस