डडेलधुरामा राष्ट्रिय स्वतन्त्र पार्टीका जोशीको अग्रता 

डडेलधुराः डडेलधुरामा प्रतिनिधिसभा सदस्य निर्वाचनको मतगणनामा राष्ट्रिय स्वतन्त्र पार्टीले अग्रता कायमै रहेको छ।

राष्ट्रिय स्वतन्त्र पार्टीका उम्मेदवार ताराप्रसाद जोशीले ११ हजार ८०१ मत प्राप्त गरेका छन्। नेपाली कांग्रेसका नैनसिंह महरले ७ हजार ७२८ मत पाएका छन् भने नेपाल कम्युनिष्ट पार्टीका मानसिंह माल ५ हजार ७८४ मत ल्याएका छन्।

त्यस्तै नेकपा (एमाले) का चक्रप्रसाद स्नेहीले २ हजार २९५मत प्राप्त गरेका छन्। राष्ट्रिय प्रजातन्त्र पार्टीका गोविन्द खडायतले २४५ मत पाएका छन्। एक मात्र प्रतिनिधिसभा निर्वाचन क्षेत्र रहेको डडेलधुरा जिल्लामा मतगणना जारी रहेको छ।