कर्णालीमा साउन ३१ गते बेपत्ता भएका रामबहादुर भण्डारी टीकापुरमा मृत फेला

टीकापुरः कर्णाली नदीमा बेपत्ता भएका बाजुराको त्रिवेणी नगरपालिका–३ पुभुतीका रामबहादुर भण्डारी मृत अवस्थामा फेला परेका छन्।

रामबहादुर साउन ३१ गते सुर्खेत जिल्लाको चौकुने गाउँपालिका–१ स्थित कर्णाली नदीमा नुहाउने क्रममा बेपत्ता भएका थिए। त्यसयता नेपाल प्रहरी, सशस्त्र प्रहरी बल तथा स्थानीयवासीको सहयोगमा निरन्तर खोजी कार्य सञ्चालन गरिएको थियो। आज कैलालीको टीकापुर नगरपालिका–८ बनगाउँ नजिक कर्णाली नदीमा एक पुरुषको शव फेला परेपछि सनाखत गर्ने क्रममा उक्त शव रामबहादुर भण्डारीकै रहेको पुष्टि भएको हो।

जानकारी प्राप्त हुनासाथ सशस्त्र प्रहरी बलको टोलीले शव नदीबाट निकालेर नेपाल प्रहरीको जिम्मा लगाएको थियो। शव पोस्टमार्टमका लागि टीकापुर अस्पतालमा राखिएको छ भने घटनाबारे थप अनुसन्धान भइरहेको प्रहरीले जनाएको छ।