रास्वपा महाधिवेशनः मतदान भोलि

चितवनः राष्ट्रिय स्वतन्त्र पार्टी (रास्वपा)को नयाँ नेतृत्व चयनका लागि भोलि बुधबार निर्वाचन हुने भएको छ। 

केन्द्रीय निर्वाचन आयोगका प्रमुख भुवन केसीका अनुसार आजको बन्दसत्रपछि निर्वाचनको प्रक्रिया अघि बढ्ने छ। आज दिउँसो २ बजे बन्दसत्र सुरू भएर भने  ६ः४५ मा समापन हुने कार्यतालिका छ। भोलि हुने मतदानमा विद्युतीय उपकरण उपयोग हुनेछ। 

महाधिवेशनमा प्रत्यक्ष सहभागी नभएका प्रवासका प्रतिनिधिका लागि रास्वपाको आफ्नै ‘एप’बाट मतदान गर्ने व्यवस्था गरिँदैछ। असीवटा विद्युतीय उपकरणबाट मतदानको तयारी भएको छ। एक सभापति र ९९ जना केन्द्रीय सदस्य चयन गर्न मतदान हुने जानकारी प्रमुख केसीले दिनुभयो। कुनै उम्मेदवारका प्रस्तावक र समर्थक  उम्मेदवार हुन पाउने छैनन्।