कैलालीमा एकैदिन दुई महिलासहित तीन जना मृत भेटिए
२०८३ साउन २३, ०३:५०
धनगढीः कैलालीमा शनिबार एकैदिन दुई महिलासहित तीन जना मृत अवस्थामा भेटिएका छन्।
गोदावरी र गौरीगंगा नगरपालिका क्षेत्रमा तीन जना फरक–फरक स्थानमा मृत भेटिएको जिल्ला प्रहरी कार्यालय कैलालीले जनाएको छ।
मृत भेटिनेमा गौरीगंगा नगरपालिका–३ कुचैनीकी ३० वर्षीया सुनिता सार्की, सोही वडाको तल्लो कुचैनीकी २८ वर्षीया पार्वती चौधरी र गोदावरी नगरपालिका–३ का प्रकाश बिक रहेका छन्।
उनीहरू तीनै जना फरक–फरक स्थानमा मृत भेटिएका हुन्। घटनाबारे थप अनुसन्धान भइरहेको प्रहरीले जनाएको छ।
कमेन्ट लोड गर्नुस