अछाममा भीरबाट लडेर घाइते भएकी महिलाको मृत्यु

अछाम: अछाममा भीरबाट लडेर घाइते भएकी एक महिलाको मृत्यु भएको छ। 

जिल्लाको मेल्लेख गाउँपालिका–८ हात्तिकोटकी ४४ वर्षीया भानादेवी ठकुल्लाको उपचारको क्रममा काठमाण्डौँमा ज्यान गएको मृतकका श्रीमान वीरबहादुर ठकुल्लाले बताए। 

यही चैत ७ गते घर नजिकैको गणेलदेव जंगलबाट स्याउँला ल्याउने क्रममा भीरबाट लडेर उनी घाइते भएकी थिइन्। 

त्यसपछि भानादेवीको वयालपाटा अस्पताल, नेपालगञ्ज मेडिकल कलेज कोहलपुर हुँदै काठमाण्डौँ वीर अस्पतालमा उपचारका लागि लगिएको थियो।