नागरिक उन्मुक्ति मौन बस्दा प्रदेश सरकार गठनमा अलमल

धनगढीः नागरिक उन्मुक्ति पार्टी मौन बस्दा सुदूरपश्चिम प्रदेश सरकार गठनमा उल्झन आउने देखिएको छ। 

पार्टीका संरक्षक रेशम चौधरीलाई जेलबाट छुटाउनेबारे प्रधानमन्त्री तथा माओवादी अध्यक्ष पुष्पकमल दाहाल र एमाले अध्यक्ष केपी शर्मा ओलीसँग लिखित सम्झौताको माग गरेपछि अन्योलता झनै बढेको हो। 

चौधरीले आजै दिउँसो २ बजेसम्म ठोस निर्णय नभए आफू त्यस गठबन्धनमा नरहने जनाइसकेका छन्। आज डिल्लीबजार कारागारमा सांसद र आफूनिकटका नेताहरूलाई रेशमले यो विषय अघि सारेका हुन्।

सुदूरपश्चिम सरकार गठनका लागि नागरिक उन्मुक्तिका ७ सांसद निर्णायक छन्।

अहिलेसम्म नागरिक उन्मुक्ति मौन बसिरहेको छ। यस्तो अवस्थामा कांग्रेस संसदीय दलका नेतालाई प्रदेश प्रमुखले मुख्यमन्त्रीमा नियुक्त गर्ने समेत चर्चा हुन थालेको छ।