नवजीवन सहकारीको मतगणना जारी, अध्यक्षमा गोपाल पाठकको अग्रता कायम
धनगढीः नवजीवन सहकारी संस्थाको सञ्चालक समिति चयनका लागि भएको मतदानको आठ हजार ५५० मत गणना हुँदा अध्यक्षका उम्मेदवार गोपाल पाठकले मतान्तर बढाएका छन् ।
पछिल्लो मत परिणाम अनुसार अध्यक्ष पदका उम्मेदवार गोपाल पाठकले दुई हजार ६१४ मत पाउँदा अर्का प्रतिस्पर्धी केशवराज मिश्रले ५४२ मत पाएका छन् । पाठक र मिश्रले पाठएको मतान्तर ७२ मत पुगेको छ । अध्यक्ष पदकै उम्मेदवार घनबहादुर शाहले दुई हजार ३४ मत प्राप्त गरेका छन् । मत गणना बढ्दै जाँचा परिणाम पनि रोचक बन्दै गएको छ ।
उपाध्यक्ष पदका उम्मेदवार उत्तम जोशीले दुई हजार ४१०, ईश्वर प्रसाद जोशीले दुई २२४ र उपेन्द्र विष्टले एक हजार ६५१ मत पाएका छन् भने लेखा सुपरीवेक्षक समितिका संयोजक पदका उम्मेदवार गणेशी जोशीले दुई ९४० र चेतराज जोशीले दुई हजार ८३२ मत पाएका छन् ।
यसैगरी, सदस्य पदतर्फको निर्वाचनको नौ हजार २०४ मत गणना गरिएको छ । सदस्य पदमा सबै भन्दा बढि केशवराज जोशीले तीन हजार १२६ मत पाएका छन् । सदस्य पदमै कोपिला कुँवरले दुई ४५१, खेमराज पाण्डेयले एक हजार ९७१, गणेश बमले एक हजार ९६३, जयराज जोशीले एक हजार ९३० मत मत पाएका छन् ।
सहकारीका कुल ४० हजार ५९३ जना शेयर सदस्यहरु मध्ये शनिबार भएको मतदानमा १५ हजार ५० मत जनाले मत हालेका थिए ।
