गृहमन्त्री गुरुङ सुनसरी जानुहुँदै

काठमाडौँ: गृहमन्त्री सुधन गुरुङ आज सुनसरी जानुहुने भएको छ। प्रधानमन्त्री तथा मन्त्रिपरिषद्को कार्यालयमा आज प्रधानमन्त्री वालेन्द्र शाहसँगको भेटपछि गृहमन्त्री गुरुङ सुनसरीस्थित देवानगञ्ज गाउँपालिका–३ स्थित कप्तानगञ्ज जान लागेका हुन्।

मन्त्री गुरुङले गत साउन १० गते सुनसरीमा भएको झडपमा मृत्यु भएका ओमप्रकाश मेहता र सोही झडपमा घाइते भइ उपचारका क्रममा आज मृत्यु भएका जयप्रकाश मेहताका परिवारसँग भेट गर्नुहुने कार्यक्रम रहेको प्रधानमन्त्री कार्यालयले जनाएको छ। मन्त्री गुरुङसँगै स्वास्थ्य तथा खाद्य स्वच्छतामन्त्री निशा मेहता पनि सुनसरी जान लागेका हुन्। सुनसरी मन्त्री मेहताको गृह जिल्ला हो।