दसैँमा धनगढी उपमहानगरपालिकाको निःशुल्क यातायात सेवा

धनगढी: दसैँको टीका थाप्न आफन्तको घर जाने नागरिकलाई लक्षित गर्दै धनगढी उपमहानगरपालिकाले निःशुल्क यातायात सेवा सञ्चालन गरेको छ।

उपमहानगरपालिकाका मेयर गोपाल हमालका अनुसार धनगढीको ट्राफिक चौराह, सहिद गेट चोक र क्याम्पस चोकबाट सेवा उपलब्ध गराइएको छ।
नगर प्रहरीमार्फत जिप र मोटरसाइकल प्रयोग गरी नागरिकलाई गन्तव्यसम्म पुर्‍याउने व्यवस्था मिलाइएको मेयर हमालले बताए।

दसैँका दिन आवतजावत गर्नुपर्ने तर आफ्नै सवारीसाधन नभएका नागरिकलाई उपमहानगरपालिकाको निःशुल्क यातायात सेवाको लाभ लिन आग्रह गरिएको छ।