राष्ट्रपति चुनावमा भोट माग्दै सुवास नेम्बाङ पुगे रास्वपा कार्यालय
२०७९ फाल्गुन १८, ०३:५४
काठमाडौंः राष्ट्रपति चुनावमा भोट माग्न सुवास नेम्बाङ राष्ट्रिय स्वतन्त्र पार्टी रास्वपाको कार्यालयमा पुगेका छन्।
नेकपा एमालेका तर्फबाट उम्मेदवार बनेका नेम्बाङ पार्टीका केही नेतासहित बसुन्धरामा रहेको रास्वपाको कार्यालयमा पुगेका हुन्। उनले राष्ट्रपति चुनावमा मत दिएर सहयोग गर्न आग्रह गरेका रास्वपाका एक नेताले बताए। राष्ट्रपति चयनका लागि २५ गते मतदान हुने छ। एमालेबाट नेम्बाङ र नेपाली कांग्रेससहितको ८ दलीय गठबन्धनबाट रामचन्द्र पौडेल उम्मेदवार छन्।
राष्ट्रपतिमा कसलाई सहयोग गर्ने भनेर रास्वपाले अहिलेसम्म आधिकारिक निर्णय भने गरेको छैन्। यसअघि नेम्बाङसहित एमालेका नेताहरुले नेकपा एकीकृत समाजवादीको कार्यालयमा गएर मत मागेका थिए।
कमेन्ट लोड गर्नुस