सुदूरपश्चममा एमालेको प्रमुख सचेतकमा पाल र सचेतकमा साउँद

धनगढीः प्रमुख प्रतिपक्षी दल नेकपा एमालेले प्रमुख सचेतक र सचेतक चयन गरेको छ। एमालेको सुदूरपश्चिम संसदीय दलको बैठकले प्रमुख सचेतकमा सुरेन्द्र पाल र सचेतकमा निर्मलादेवी साउँदलाई चयन गरेको हो।

आइतवार बसेको संसदीय दलको बैठकले गत मंसिर ४ मा भएको निर्वाचनमा बैतडीको प्रदेशसभा १ बाट निर्वाचित पाललाई प्रमुख सचेतक चयन गरेको छ। उनी एमाले बैतडी जिल्ला कमिटि अध्यक्ष पनि हुन्।

सचेतकमा चयन भएकी साउँद भने डोटीबाट समानुपातिक प्रणालीबाट प्रदेशसभा सदस्यमा चयन भएकी थिइन्।