अछाम काङ्ग्रेसका नेता ठगी आराेपमा पक्राउ

काठमाडौंःअछाम काङ्ग्रेसका नेता ठगी आराेपमा पक्राउ परेका छन्।

मानव तस्करी तथा ठगीको अभियोगमा नेपाली कांग्रेस अछाम क्षेत्र नम्बर २ प्रदेशसभा (क) निर्वाचन क्षेत्रीय सभापति ताराप्रसाद खनाल लाइ पक्राउ गरिएको हो। उनलाई मानव बेचबिखन अनुसन्धान ब्युरोले सोमबार काठमाडौंको महाराजगञ्जले पक्राउ गरेको एसएसपी दिपेन्द्र जिसीले जानकारी दिए। उनको साथबाट २ करोड ७० लाखको चेक समेत बरामद भएको छ। विभिन्न देशमा रोजगारीमा पठाइदिन्छु भनी करोडौं ठगी गरेको अभियोगमा उनीमाथि अनुसन्धान भइरहेको छ। पीडितहरुको जाहेरीका आधारमा पक्राउ गरिएको जिसीले बताए।