धनगढीमा रुखबाट खसेर किशोरको मृत्यु

धनगढीः धनगढीमा रुखबाट खसेर एक किशोरको मृत्यु भएको छ।

धनगढी उपमहानगरपालिका–१५ झिनुवाका १५ वर्षीय लोकेश विकको रुखबाट खस्दा मृत्यु भएको हो। शनिबार साँझ आफ्नै घर नजिक सिमलको रुखको हाँगा काट्ने क्रममा रुखबाट खसेर गम्भीर घाइते भएका उनलाई उपचारका लागि सेती प्रादेशिक अस्पताल धनगढी ल्याइएको थियो। अस्पतालमा चिकित्सकले चेकजाँच गर्दा मृत घोषणा गरेको प्रहरीले जनाएको छ ।