चेक अनादर मुद्दामा २ वर्ष कैद सजाय तोकिएका दिपेन्द्र चौधरी पक्राउ
२०८३ असार ९, ०३:१७
धनगढीः चेक अनादर मुद्दामा अदालतबाट २ वर्ष कैद सजाय तोकिएका एक प्रतिवादीलाई कञ्चनपुर प्रहरीले पक्राउ गरेको छ।
पक्राउ पर्नेमा कृष्णपुर नगरपालिका–६ बालुवाफाँटा निवासी ३८ वर्षीय दिपेन्द्र चौधरी रहेका छन्।
जिल्ला अदालतको फैसलाअनुसार उनलाई चेक अनादर मुद्दामा २ वर्ष कैद सजाय तोकिएको थियो। सोही फैसलाको कार्यान्वयनका क्रममा इलाका प्रहरी कार्यालय गुलरिया, कञ्चनपुरबाट खटिएको प्रहरी टोलीले सोमबार उनलाई उनकै घरबाट पक्राउ गरेको हो।
प्रहरीका अनुसार पक्राउ परेका चौधरीलाई आवश्यक कानुनी प्रक्रिया अघि बढाइएको छ।
कमेन्ट लोड गर्नुस