प्रधानमन्त्री प्रचण्डलाई विश्वासको मत प्राप्त

काठमाण्डौँः प्रधानमन्त्री पुष्पकमल दाहाल प्रचण्डले तेस्रो पटक विश्वासको मत पाएका छन्।

आज बुधवार सङ्घीय संसद्अन्तर्गत प्रतिनिधि सभामा भएको मतदानमा उनले विश्वासको मत पाएका हुन्। आजको बैठकमा २ सय ६८ जना सांसद उपस्थित थिए। जसमा प्रधानमन्त्री प्रचण्डलाई १ सय ५७ जना सांसदले पक्षमा मतदान गरे भने १ सय १० जनाले विश्वासको मतको विपक्षमा मतदान गरे।

यस्तै १ जना सांसदले तटस्थ रहे। प्रधानमन्त्रीलाई उनको दल माओवादी केन्द्र, एमाले, रास्वपा, जसपा, एकीकृत समाजवादी र नागरिक उन्मुक्ति पार्टीका सांसदले समर्थन गरेका हुन्।