कञ्चनपुरका पत्रकार खेम भण्डारी पक्राउ

धनगढीः कञ्चनपुरका पत्रकार खेम भण्डारी लाई प्रहरीले पक्राउ गरेको छ।

जिल्ला प्रहरी कार्यालय कञ्चनपुर का प्रवक्ता प्रहरी नायब उपरीक्षक (डीएसपी) टेकबहादुर रावल का अनुसार भण्डारीलाई बिहीबार बिहान करिब ७ बजेतिर भीमदत्त नगरपालिका–१८ बाट पक्राउ गरिएको हो।

उनका अनुसार गाली बेइज्जती मुद्दामा अदालतले भण्डारीलाई एक महिना सात दिन कैद र १२ हजार १०० रुपैयाँ जरिवाना तोकेको फैसलाको कार्यान्वयनका क्रममा पक्राउ गरिएको हो।

भण्डारीलाई आवश्यक प्रक्रिया पूरा गरी अदालतमा पेश गर्ने तयारी भइरहेको प्रहरीले जनाएको छ।